СЭТГЭЛ ЗҮЙН ЗӨВЛӨГӨӨ ҮЗҮҮЛЭХЭД ТАВИГДАХ ШААРДЛАГА, БАРИМТЛАХ ЗАРЧИМ
- Сэтгэл зүйн зөвлөгөө үзүүлэх сэтгэл зүйч нь клиник сэтгэл зүй, сэтгэл засал, сэтгэл зүйн зөвлөгөө үзүүлэх чиглэлээр нарийн мэргэшсэн байна.
- Сэтгэл зүйч нь Сэтгэл судлал мэргэжлээр бакалавр зэрэгтэй төгссөн байх бөгөөд тухайн мэргэжлээр магистр ба түүнээс дээш зэрэгтэй байна.
- Сэтгэл зүйч нь сэтгэцийн гэмтлийн үед үзүүлэх сэтгэл заслын болон сэтгэл зүйн зөвлөгөөний арга, техникийг эзэмшсэн байна.
- Сэтгэл зүйч үйлчилгээний явцад үйлчлүүлэгчийн эрхийг ямагт хүндэлж, мэргэшсэн, ёс зүйтэй үйлчилгээ үзүүлэхдээ дараах зарчмыг баримтлана:
- Сэтгэл зүйчийн ёс зүйн дүрмийг ямагт дээдлэх;
- Үйлчлүүлэгчийг мэдээллээр хангаж, зөвлөгөө, үйлчилгээнд хамрагдах эсэх талаар бие даан сонголт хийх боломжоор хангах;
- Сэтгэл зүйн үйлчилгээ нь үйлчлүүлэгчийн хэрэгцээнд суурилсан байх, түүний сонголтыг хүндлэх;
- Үйлчлүүлэгчийн соёлыг хүндэтгэх, мэдрэмжтэй байх, хүний хувийн орон зай руу нэвтрэхгүйгээр зөвхөн хэрэгцээт мэдээлэл авах;
- Үйлчлүүлэгчийн сэтгэцийн гэмтэл, цочролд мэдрэмжтэй байж сэтгэл зүйн үйлчилгээ, харилцаанд хэрхэн нөлөөлөхийг мэддэг байх;
- Үйлчлүүлэгчдийн нууцыг хамгаалах;
- Үйлчлүүлэгчийн цаг хугацаанд нь тохирсон мэдээллийг өгч байх.
Захирлын 2019 оны №01/004 тоот тушаалын хавсралтаас авав
