Нийгэм, сэтгэл судлалын дээд сургууль нь 1994 онд Монгол Улсын дээд боловсролын салбарт гал голомтоо бадрааж эхэлснээс хойш өнөөг хүртэл “Сэтгэл судлал”, “Нийгмийн ажил”, “Бизнесийн удирдлага”, “Нягтлан бодох бүртгэл”, “Компьютер программ хангамж”, “Багш, бага ангийн боловсрол”, “Багш, Сургуулийн өмнөх боловсрол”, “Багш, нийгмийн ухаан”, “Гадаад хэлний орчуулга/Англи, Солонгос” хөтөлбөрөөр мэргэжилтэн бэлтгэж ирсэн бөгөөд үе, үеийн төгсөгч, багш, ажиллагсад, оюутан суралцагсад, хамтран ажиллаж ирсэн байгууллага, хамт олон, хувь хүмүүс, түншлэгч нартаа чин сэтгэлийн талархал илэрхийлье!

2017 онд манай хамт олон сургуулийн урт хугацааны хөгжлийн бодлогоо шинэчлэн баталж, нийгэм, хүмүүнлэгийн чиглэлийн “Сэтгэл судлал”, “Нийгмийн ажил”, “Багш, сургуулийн өмнөх боловсрол”, “Багш, бага боловсрол”  хөтөлбөрөөр сургалт явуулж, манай улсын эрэлттэй мэргэжлийн нэг Сэтгэл зүйчдийг олон зуугаар нь төгсгөлөө. Нэг ёсондоо “Сэтгэл судлал” бол манай сургуулийн брэнд хөтөлбөр бөгөөд тэр ч утгаараа сургалтын хөтөлбөр, багшлах боловсон хүчин, сургалтын орчноороо өрсөлдөх чадвараа байнга дээшлүүлж байгаа гэдгээрээ  бахархаж байна.

30 орчим жилийн хугацаанд манай сургууль практикт суурилсан сургалт явуулахыг эрхэмлэж, оюутан суралцагсдаа хэрэглээний сэтгэл судлалын чиглэлээр илүү мэргэшүүлж, Монгол хүний сэтгэл зүйн онцлог, нийгмийн сэтгэцийн эрүүл мэндийн чиглэлд эрдэм шинжилгээ, судалгааны ажлаа хөгжүүлж байгаагаараа ижил төрлийн хөтөлбөртэй их, дээд сургуулиас ялгаатай бөгөөд онцлог билээ. Энэ ч үүднээс бид сургуулийг маань зорин ирж буй суралцагсдад доорх зүйлсийг амалж чаддаг. Үүнд:

• Оюутан суралцагсад нь суралцах хугацаандаа мэргэжлийнхээ хангалттай мэдлэгийг эзэмшихийн зэрэгцээ, хэрэгцээт чадвараа бүрэн олж авдаг. Суралцагч өөрийгөө сэтгэц физиологи болоод сэтгэл зүйн хувьд илүү таньж мэднэ. Таних тусмаа өөрийгөө хөгжүүлнэ. Хөгжихийн хэрээр “Би хэн бэ”, “Яагаад, яаж” гэдэгтээ бүтээлч, шүүмжлэлт, эрүүл сэтгэхүйгээр хандаж, өөртөө илүү итгэлтэй болно. Өөртөө итгэх тусам “Би чадна” гэсэн бүрэн дүүрэн найдварыг бий болгоно. Сургуулиа төгсөхдөө төгсөгч өөрийгөө Монгол Улсынхаа нийгмийн хөгжилд маш чухал хэрэгцээтэй мэргэжилтэн гэдгээ бүрэн ухамсарлаж мэдэрсэн байна.
• Зөвхөн манайд төдийгүй дэлхий нийтэд нийгмийн сэтгэцийн болон сэтгэл зүйн эрүүл мэнд, тогтвортой байдалд илүү анхаарч, эрдэмтэн, судлаачдын судалгаа шинжилгээ эрчимтэй хөгжиж, энэ чиглэлийн зөвлөгөө, засал, үйлчилгээг шинжлэх ухааны үндэстэй, мэргэжлийн хүрээнд хийх хэрэгцээ шаардлага тулгарч буй өнөө үед манай сургалт илүү практикт түшиглэн явагдаж, төгсөгч нь мэргэжлийн чадвар хийгээд мэргэжлийн ёс зүйгээ эрхэмлэн төгсөнө.
• Нийгмийн ажил, багш бэлтгэх зэрэг хөтөлбөр нь ерөнхий, хүүхдийн, бие хүний, хүний хөгжлийн, нийгмийн, харилцааны, боловсролын зэрэг сэтгэл зүйн хичээлүүдэд суурилж интеграчилж явагддаг тул манай сургуулийн ямар ч мэргэжлийн төгсөгч сэтгэлзүйн гүнзгий мэдлэг зэмшин, түүнийгээ ажил, амьдралдаа хэрэглэх чадвартай төгсдөг.

Манай хамт олон:

• Үр дүнд суурилсан хийгээд хүмүүнлэг, бүтээлч сургалт
• Монгол хүний сэтгэц, зан үйл, сэтгэл хөдлөлийн онцлогийг гаргасан судалгаа
• Багийн манлайллыг дэмжсэн нийгэмд үйлчлэх сайн үйлсийн ажил зэргээрээ үргэлж бахархдаг.

Техник технологийн хувьслын эрчимтэй хөгжил нь хүн төрөлхтөнд олон олон давуу боломжийг өгч байгаа ч цахим орчноор дамжуулан ялгаварлан гадуурхагдах, гүтгэн доромжлуулах, эрх нь зөрчигдөх, хүчирхийлэлд өртөх үзэгдлүүд тархснаар нийгмийн сэтгэл зүй, нийгмийн сэтгэцийн эрүүл мэндэд сөрөг үр дагаврыг авчирч байгаа нилээдгүй судалгаагаар харагддаг.

Төгсөглийн үг: Сэтгэл зүйч болох алхам юмуу нилээд хүчтэй байдлаар төгсгөх, чадвар эзэмшээд цаг үед манай сургуулийн бэлтгэж буй Сэтгэл зүйч, Нийгмийн ажилтан мэргэжил илүү хэрэгцээтэй, илүү үнэ цэнэтэй хэвээр байх болно. Үүний төлөө манай чадварлаг багш, хамт олон үйлчилж байна.

Хүндэтгэсэн:

Захирал                            Доктор Ч. Базар