ТОДОРХОЙЛОЛТ АВАХ

Төгсөгч нь суралцаж төгссөн тухай тодорхойлолт авах хэрэгтэй бол Сургалтын албанд хандах бөгөөд тодорхойлолтыг хаана, ямар байгууллагад гаргах тухайгаа тодорхой мэдсэн байх шаардлагатай. Тодорхойлолтыг цахим хэлбэрээр авч болно.

ДИПЛОМ ДАХИН ОЛГОХ

Төгсөгч нь дипломоо үрэгдүүлсэн, гэмтээсэн, хувийн мэдээлэлд өөрчлөлт орсон тохиолдолд диплом дахин авч болох бөгөөд дараах материалыг бүрдүүлж өгнө. Үүнд:

• Диплом дахин авах болсон шалтгааныг бичсэн хүсэлт, өргөдөл;
• Дипломын хуулбар;
• Дипломын архивын лавлагаа;
• Иргэний хувийн мэдээлэлд өөрчлөлт орсон бол нотлох баримтын хуулбар;
• Диплом хэвлэх дахин олгох зардал /136,000 төг/ төлсөн баримт.

Жич:

• Иргэнд анх олгосон дипломын улсын дугаар дахин олгох дипломд хэвээр бичигдэнэ.
• Дахин олгох дипломын баруун дээд хэсэгт “Дахин олгов” гэсэн тэмдэглэгээ хийж, захирал баталгаажуулна.
• Диплом дахин олгосон бүртгэл болон бүрдүүлсэн материалыг сургуулийн архивд хадгална.
• Блокчейнд баталгаажсан дипломыг төгсөгч өөрийн эрхээр нэвтэрч хэвлэн ашиглана /сургуулиас дахин авах шаардлагагүй!/

Илүү дэлгэрэнгүй мэдээллийг БШУ-ны сайдын 

2024.03.20- ны өдрийн А/143 тоот тушаалын 3-р хавсралтаас үзэж болно.